समाज परिवर्तनको लागि खेलकुद भन्ने नाराका साथ नेपाल भम्रणमा रहेको अमेरिकी खेलकुद प्रतिनिधि टोलीले युवा तथा खेलकुद मन्त्री तेजुलाल चौधरी सँग भेटघाट तथा अन्तरक्रिया गरेको छ ।

अन्तरक्रियामा बोल्दै मन्त्री चौधरीले नेपाल र अमेरिकी फरक क्षमता भएका खेलाडिहरुबिच नियमित प्रशिक्षण, साझा सिकाई र सहकार्य सिर्जना गर्नुपर्ने बताउनुभयो । 
उहाँले ओलम्पिक र प्यारालम्पिक खेलकुदमा अमेरिकाको नेतृत्वको पंशसा गर्दै समावेशी र अनुकुलनिय खेलकुदको क्षेत्रमा पनि दीर्घकालिन र सशक्त साझेदारी हुनुपर्ने आशा व्यक्त गर्दै नेपाल र अमेरिका बिच खेलकुदको क्षेत्रमा मित्रता कायम हुनुपर्ने बताउनुभयो ।  

अमेरिकी विदेश विभागको खेल कुटनिति अन्तर्गत भ्रमणमा रहेको १२ सदस्यीय अमेरिकी खेलकुद टोलीले मन्त्रालय तथा मन्त्रालयका पदाधिकारीहरु सँग गरेको भेटघाट तथा अन्तरक्रियाले नेपाल र अमेरिकाबिच खेलकुदको क्षेत्रमा लगानी र पुर्वाधार विकासको लागि बाटो खुल्ला गरेको क्रिकेटर प्रशिक्षक नेपाल लोकतान्त्रिक खेलकुदका केन्द्रिय सदस्य, राष्ट्रिय क्रिकेट प्रशिक्षक तथा खेल कुटनितिज्ञ अनिल अधिकारीले जानकारी दिनुभयो । 

भेटमा अमेरिकी विशेष क्षमता भएका खेलाडि, प्रशिक्षक सहित खेल कुटनितिज्ञहरुको समेत सहभागिता रहेको थियो । खेलकुद मन्त्रालय र अमेरिकी विदेश मन्त्रालयको खेल कुटनिति शाखाको लगानीमा भैरहेको यो ऐतिहासिक भ्रमण र भेटघाटले नेपाल र अमेरिकाको खेलकुदको अनुभवबाट खेल पुर्वाधार प्रविधि र नेपाली खेल क्षेत्रको सुधारको लागि सहयोग लिँदै थप सम्बन्ध विस्तारको लागि पहल गर्नुपर्ने आश्यक रहेको खेल कुटनितिज्ञ अधिकारीले बताउनुभयो ।

यस कार्यक्रम अन्तरर्गत गत वर्ष नेपाल सरकारको प्रतिनिधित्व गर्दै खेल कुटनितिज्ञ अनिल अधिकारी सहित १० सदस्यीय नेपाली खेलकुदको टोलीले अमेरिका भ्रमण गरेको थियो ।
 
 

कालिका कपः पुरुष भलिबलको सेमिफाइनल समिकरण पूरा

कालिका कप—२०८२ खुला भलिबल प्रतियोगिताको सेमिफाइनल समिकरण पूरा भएको छ । चैत्राष्टमी मेलाको मुख्य आकर्षणको रुपमा रहेको पुरुष भलिबल प्रतियोगितामा

बागलुङ भलिबल र घले हार्भेस्टिङ अस्ट्रेलियाको विजयी सुरुवात

चैत्राष्टमी मेला २०८२ को अवसरमा आयोजित खुला कालिका कप पुरुष भलिबल प्रतियोगितामा बागलुङ भलिबल र घले हार्भेस्टिङ अस्ट्रेलियाले विजयी सुरुवात गरेको छ

कालिका कप खुल्ला पुरुष भलिबल प्रतियोगिता सुरु 

चैत्राष्टमी मेला २०८२ को मुख्य आकर्षणको रुपमा रहेको खुल्ला पुरुष भलिबल प्रतियोगिता मंगलबारबाट सुरु भएको छ । चैत्राष्टमी मेलाको उद्घाटनसंगै भलिबल