गलकोट खेलकुद तथा साँस्कृतिक महोत्सव हुने

रेडियो गलकोट
१७ कार्तिक, २०७८

गलकोटमा गलकोट खेलकुद तथा साँस्कृतिक महोत्सव २०७८ आगामी पौषमा हुने भएको छ ।

आगामि पौष १ गतेदेखि ११ गतेसम्म ड्रिम टिम गलकोटको आयोजनामा गलकोट खेलकुद तथा साँस्कृतिक महोत्सव २०७८ सञ्चालन हुन लागेको हो ।

गलकोटको खेलकुद पर्यटन, कृषि व्यापारको प्रवद्र्धनसंगै, कला संस्कृतिको जगेर्ना गर्ने उद्धेश्यका साथ गलकोट खेलकुद तथा साँस्कृतिक महोत्सव सञ्चालन गर्न लागिएको ड्रिम टिम गलकोटले जनाएको छ । महोत्सव सञ्चालनको लागि अहिले तयारी तिव्र पारिएको ड्रिम टिम गलकोटका संयोजक रुपक पाण्डेले जानकारी दिनुभयो ।

महोत्सवको अवसरमा खुल्ला पुरुष भलिवल प्रतियोगिता, गलकोट डान्स आईडल २०७८, आमा समुह स्तरिय रत्यौलि गित, माछा छोप्ने, व्याडमिन्टन, मजुवा फाँट देखि कालिलेख सम्मको दौड, टेवुल टेनिस लगायतका प्रतियोगिता सञ्चालन गर्ने गरि तयारी भएको पाण्डेले वताउनुभयो ।

महोत्सव गलकोट नगरपालिका वडा नम्वर ६ को मजुवाफाँटमा सञ्चालन गरिने जनाईएको छ । महोत्सवको लागि भेटघाट, छलफल तथा अन्तरक्रिया कार्यक्रम भैरहेको उहाँको भनाई छ । गलकोटमा सबै पक्षसंग सहकार्य गरि गलकोटको खेलकुद सस्कृतिको जर्गेना गर्न महोत्सव संचालन गर्ने ड्रिम टिम गलकोटले जनाएको छ ।