नायिका पुनको “मन सय तोलाको” गीत सार्वजनिक

रेडियो गलकोट
२० भदौ, २०८०

देशमा सय तोला सुन काण्डको चर्चा परिचर्चा चलिरहेको बेला गायिका करुना पुनको “मन सय तोलाको” बोलको आधुनिक शैलीको गीत बजारमा ल्याउनुभएको छ ।

तीजको गीत हालीमुहाली भइरहेको बेला गायिका पुनले मन छुने शब्द, संगीत र स्वरमा गीत सार्वजनिक गर्नुभएको हो । प्रेममा परेको मान्छे बिछोड हुँदाको पललाई शब्दमा कोरेर गीत रचेको गायिका पुनले बताउनुभयो ।

गण्डकी, धौलागिरी क्षेत्रको मौलिक गीतको नायिका भनेर परिचय बनाउनुभएकी गायिका पुनले अब भने गायिकाको रुपमा पनि परिचय फराकिलो बनाउने प्रयास गर्नुभएको छ ।
दर्जनौं गीतमा आफ्नो कला प्रस्तुत गरिसक्नुभएकी गायिका पुनको यो गीत भने पहिलो होईन । उहाँले केही समय पहिले “ठुले” नामक लोकपप शैलीको गीत बजारमा ल्याईसक्नुभएको छ ।

हङकङमा कार्यरत गायिका पुनले छोटो समय नेपाल बसाइँको क्रममा सो गीत रेकर्ड गराई बजारमा ल्याउनुभएको हो । गीतमा स्वयं गायिकाको शब्द एवं संगीत रहेको छ भने संगीत संयोजन मनोज थापा मगरको रहेको छ । मनोज थापा मगर युट्युव च्यानल मार्फत सार्वजनिक यस गीत स्टुडियोमा छायांकन गरिएको छ ।