बंगालको खाडीमा विकसित ‘अर्नब’ चक्रवातको प्रभाव आजदेखि नै देखिने भएको छ ।

नेपालमा यसको प्रभावले आजदेखि मौसम बदली हुन थाल्ने र भोलिदेखि शनिबारसम्म वर्षा र हिमपात हुने मौसम पूर्वानुमान महाशाखाले जनाएको छ । आज बुधबार देशका धेरैजसो ठाउँमा बादल लाग्नेछ ।

आजराति कोशी कर्णाली र सुदूरपश्चिमको हिमाली क्षेत्रमा बर्षा र हिमपात तथा बागमती, गण्डकी र मधेश प्रदेशमा मध्यमसम्मको वर्षा हुने मौसम पूर्वानुमान महाशाखाले जनाएको छ । अर्नब चक्रवातको प्रभावले भोलि बिहीबार, पर्सि शुक्रबार र शनिबार देशका विभिन्न ठाउँमा ठूलो वर्षा र उच्च हिमाली क्षेत्रमा हिमपातको सम्भावना रहेको मौसमविद्ले बताएका छन् ।

महाशाखाका अनुसार भोलिदेखि शनिबारसम्म कोशी, मधेश, बागमती, गण्डकी र लुम्बिनी प्रदेशका धेरै ठाउँमा मेघगर्जन र चट्याङसहित मध्यमदेखि मुसलधारे वर्षाको सम्भावना रहेको छ । त्यस्तै महाशाखाले पर्सि शुक्रबार र शनिबार कोशी, बागमती, मधेश र गण्डकी प्रदेशका केही ठाउँमा मुसलधारे वर्षा हुन सक्ने चेतावनी दिएको छ ।

यसैगरी उच्च पहाडी तथा हिमाली क्षेत्रमा भारी हिमपात, हिमआँधी र हिमपहिरोको समेत अत्यधिक जोखिम रहेको छ । यो बेला सकेसम्म लामो दूरीको यात्रा नगर्न, पदयात्राका योजना स्थगित गर्न तथा पाकेको बाली धान तत्काल नकाट्न सल्लाह छ । मुख्य बाली धान काटेको भए आजै भित्र्याउन र खेतमै भए अब मौसम खुलेपछि मात्रै काट्न र भण्डारण गर्न नार्कको राष्ट्रिय कृषि वातावरण अनुसन्धान केन्द्रले किसानलाई आग्रह गरेको छ ।

यो चक्रवात भारतको विशाखापट्टनम आसपासको तटीय क्षेत्रमा प्रवेश गरेको भारतीय मौसम विभागले जनाएको छ । नेपाल आउँदा चक्रवातको तीव्रता घटे पनि यसले प्रभाव पार्नेछ । शनिबार पूर्वतिर केन्द्रित हुने तर तीव्रता केही घट्ने अनुमान छ । त्यसपछि मौसम क्रमशः खुल्दै जाने महाशाखाले जनाएको छ ।

यसअघि असोजमा बङ्गालको खाडीमा यस्तै चक्रवात बन्ने आँकलन गरिए पनि त्यसले चक्रवातको रूप लिन सकेन । यद्यपि असोज ९ देखि ११ गतेसम्म नेपालमा पानी परेको थियो ।

अहिलेको चक्रवातले केही ठाउँमा त्यसबेलाको भन्दा धेरै वर्षा र हिमपात गराउन सक्ने प्रारम्भिक आँकलन गरिएको छ ।

दशैँको अन्तिम दिन आज राति जाग्राम बसेर समापन गरिँदै

दुर्गा पक्ष अर्थात् बडादशैँ पर्व धन धान्य एवं सम्पन्नताकी देवी महालक्ष्मीको पूजा आराधना सहित आज राति जाग्राम बसेर समापन गरिँदैछ । असोज शुक्ल

बुधबारदेखि बाली भित्र्याउने र लामो दुरीको यात्रा नगर्न मौसमविद्को सुझाव

बंगालको खाडीमा विकसित न्यूनचापीय प्रणाली शक्तिशाली चक्रवातीय प्रणालीमा परिणत हुने सम्भावना बढेको मौसमविद्ले बताएका छन् । यसको प्रभावले यही

मान्यजनबाट टीका, जमरा र आशीर्वाद ग्रहण गर्ने क्रम आज पनि चल्दै

दशैँको टीकाको तेस्रो दिन आज पनि आफन्त तथा मान्यजनको हातबाट टीका–जमरा ग्रहण गरिँदै छ । खास गरी टाढा रहेका आफन्त तथा मान्यजनकहाँ टीकाको दिनदेखि