रास्वपा ताराखोला–२ को वडा अधिवेशन

रेडियो गलकोट
२२ कार्तिक, २०८३

राष्ट्रिय स्वतन्त्र पार्टी (रास्वपा) ताराखोला गाउँपालिका वडा नंं. २ को वडा अधिवेशन सम्पन्न भएको छ ।

अधिवेशनले पूर्ण बहादुर खत्रीको सभापतित्वमा ११ सदस्यीय कार्यसमिति गठन गरिएको छ ।

समितिको उपसभापतिमा नर बहादुर घर्ती मगर, सचिवमा मन बहादुर रोका मगर र अन्य सदस्हरु रहनुभएको छ । त्यस्तै पालिका प्रतिनिधिको रुपमा ईन्द्र बहादुर रोका मगर र प्रकाश रोका मगरलाई चयन गरिएको छ ।

कार्यक्रममा बोल्दै पार्टीका जिल्ला सभापति ढालिन्द्र रायमाझिले पार्टीलाई संगठनात्मक रूपमा बलियो र जनतामाझ स्थापित बनाउन वडा तहको संगठन विस्तार महत्वपूर्ण रहेको बताउनुभयो । उहाँले पार्टीले सुशासन, पारदर्शिता, जवाफदेहिता र भ्रष्टाचारमुक्त राजनीतिक संस्कारलाई प्राथमिकतामा राखेको उल्लेख गर्दै जनताको वास्तविक समस्या र आवश्यकतालाई केन्द्रमा राखेर काम गर्न नवनिर्वाचित समितिलाई आग्रह गर्नुभयो ।

रायमाझीले पार्टीको नीति, सिद्धान्त र उद्देश्यलाई जनस्तरसम्म पु¥याउँदै आम नागरिकको विश्वास जित्ने गरी जिम्मेवारीपूर्वक अघि बढ्नुपर्ने बताउनुभयो ।

त्यस्तै सो अवसरमा पार्टीका क्षेत्रीय सभापति हिमाल खत्री, गलकोट नगर सभापति राजेन्द्र पुन, ताराखोला गाउँपालिका तदर्थ समिति सभापति गंगा प्रसाद गुरुङले मन्तव्य राख्नुभएको थियो ।

कार्यक्रम पार्टीका गाउँपालिका तदर्थ समिति सभापति पूर्ण खत्रीको सभापतित्व र सदस्य प्रकाश रोकाको सञ्चालनमा सम्पन्न भएको थियो ।