गलकोट सेरा बजारका कृष्ण पोखरेलको उपचारका लागि परिवारद्धारा सहयोगको अपील

रेडियो गलकोट
१२ श्रावण, २०८३

गलकोट नगरपालिका वडा नं. ३ सेरा बजार निवासी कृष्ण पोखरेल ’सेतु’ गम्भीर बिरामी परेपछि उहाँको परिवार अहिले गम्भीर आर्थिक संकटमा परेको छ ।

अचानक देखिएको उच्च रक्तचापका कारण मस्तिष्कमा गम्भीर समस्या भएपछि उहाँको टाउकोको अपरेसन (शल्यक्रिया) गरिएको छ । समयमै शल्यक्रिया भएकाले उहाँको ज्यान जोगिए पनि उपचारका क्रममा हालसम्म झण्डै १८ लाख रुपैयाँ खर्च भइसकेको र अझै थप खर्च लाग्ने परिवारले जनाएको छ ।

परिवारको आर्थिक अवस्था पहिलेदेखि नै अति कमजोर रहेको र उपचारमा सोँचेभन्दा धेरै ठूलो रकम खर्च भइसकेकाले अब थप उपचारका लागि आर्थिक अभाव भएको निजका श्रीमती सीता पोखरेलले बताउनुभयो । घरको मूख्य कमाउने व्यक्ति नै अस्पतालको बेडमा छटपटाइरहेको र सर्वस्व खर्चिएर ऋण थपिएपछि परिवार अहिले ठूलो मानसिक तथा आर्थिक पीडामा परेको पोखरेलले बताउनुभयो ।

उपचारमा थप खर्च लाग्ने भएकाले परिवारले देश तथा विदेशमा रहनुहुने सम्पूर्ण नेपाली दाजुभाई तथा दिदीबहिनीहरुमा सहयोगको अपील समेत गरेको छ । सहयोग गर्न ईच्छुक महानुभावहरुले प्रभु बैंक अन्तर्गत सीता विश्वकर्मा नाम रहेको खाता नं. ०८८००९९४६९८०००११ मा सहयोग गर्न सकिने परिवारले जनाएको छ ।

पोखरेलको अहिले पुरानो मेडिकल कलेज भरतपुर चितवनमा उपचार भईरहेको छ ।