बागलुङ सेवा समाज क्यानाडाको अध्यक्षमा गलकोटका केसी चयन

रेडियो गलकोट
२१ भदौ, २०८०

बागलुङ सेवा समाज क्यानाडाको अध्यक्षमा गलकोट नगरपालिका वडा नं ९ का हरि केसी चयन हुनुभएको छ ।

क्यानाडाको टोरन्टोमा भएको वार्षिक साधारण सभाले हरि केसीको अध्यक्षतामा आगामी दुई वर्षका लागि नयाँ कार्य समिति चयन गरेको हो । समितीको उपाध्यक्षमा दिलिप पौडेल, रोशन बोहोरा, महिला उपाध्यक्ष तथा संयोजकमा यमुना खत्री र महासचिवमा माधव गौतम रहनुभएको छ ।

त्यस्तै सचिवमा गोपाल कँडेल, कोषाध्यक्षमा गीता खड्का र सह–कोषाध्यक्षमा देबु बस्नेत रहनुभएको छ । समितीको सदस्यहरुमा सुरेशराज गौतम, सरिता सुवेदी, डा.डिल्ली शर्मा, वीर बस्नेत, दुर्गा आचार्य रहनुभएको छ ।

त्यस्तै समाजको कार्यक्रम संयोजकमा राजन खत्री र युवा संयोजकमा दुबिका अधिकारी रहनुभएको छ । संस्थाले बागलुङमा विभिन्न सामाजिक कार्यमा सहकार्य र सहयोग गर्दै आएको छ ।

अध्यक्ष केसीले २०१४ देखि उपलब्ध गराउन थालेको छात्रवृत्ति कार्यक्रमलाई निरन्तरता दिदैं अझ विस्तार गर्ने, संस्कृतिको जर्गना गर्दै संस्कृत भाषलाई जोगाउने, क्यानाडामा आएका नयाँ विद्यार्थीहरुलाई सहयोग पुग्ने उदेश्य सहित रोजगारदातासँग जोड्ने काममा पनि समाजले हातेमालो गर्ने योजना रहेको जानकारी दिनुभयो ।